தமிழ்ச்சங்கம் முன்னெடுத்த ஆசிரியர்களுக்கான கருத்தரங்கு

இரண்டாம் நிகழ்வில் தமிழ்ச்சங்கப் பொதுச் செயலாளர் ச.லலீசன் வரவேற்புரை நிகழ்த்தினார். யாழ். பல்கலைக்கழக தமிழ்த்துறைத் தலைவர் பேராசிரியர் ம.இரகுநாதன், தென்கிழக்குப் பல்கலைக்கழக விரிவுரையாளர் கலாநிதி க.இரகுபரன், யாழ். பல்கலைக்கழக விரிவுரையாளர் க.அருந்தாகரன், விரிவுரையாளர் ஈ.குமரன் கோப்பாய் ஆசிரிய கலாசாலை முன்னாள் பிரதி முதல்வர் கலாநிதி செ.திருநாவுக்கரசு ஆகியோர் விரிவுரைகளை நிகழ்த்தினர்.
தமிழ்ச்சங்கப் பொதுச் செயலாளரின் நன்றியுரையுடன் நிகழ்வுகள் நிறைவுற்றன.
வடமாகாணத்தின் பல்வேறு மாவட்டங்களில் இருந்தும் இருநூறுக்கும் மேற்பட்ட ஆசிரியர்கள் கலந்து கொண்ட இச்செயலமர்வில் கலந்து கொண்ட யாவருக்கும் புதிய பாடத்திட்டத்தைக் கற்பிப்பது தொடர்பான கையேடு இலவசமாக வழங்கப்பட்டது.

கருத்தரங்கு வெற்றிகரமாக இடம்பெற வடமாகாண கல்விப் பணிப்பாளர் எஸ். உதயகுமார் தனது திணைக்களம் சார்ந்த அனுமதியை வழங்கியிருந்தார்.
நிகழ்வில் பங்கேற்ற வளவாளர்களும் இலவசமாகவே தமது சேவைகளை நல்கினர் என்பது இங்கு நன்றியுடனும் பெருமிதத்துடனும் குறிப்பிடத்தக்கது.